NE VUOLE VOTI?

(Carlo Barbieri)

Psss… pss… nun mi facissi gridari, s’avvicinassi un’anticchia. Voti. Haiu voti. ‘Ni voli voti? Comu "a quantu"… a lei quanti ci nni serbunu? Virissi ca sugnu comu a chiddu d’u sali "quannu mi circati nun mi truvati". Amunì ca ci fazzu un bellu prezzu. No che significa, prima mi deve dire lei il partito, chi ci pari ca sunnu tutti uguali? E comu picchì, e secondo lei costano tutti alla stessa maniera? Però taliassi che il prezzo che ci dico è il prezzo di ora. Le quotazioni acchianano e scinnunu, vanno al contrario dei sondaggi. Ce lo spieco, si chiama la domanda e l’offeitta: se un partitu crisci nni sondaggi, havi menu bisognu e ‘u prezzu scinni. Inveci se scinni nni sondaggi ‘u partitu si scanta, ci veni ‘u panicu e paga cchiù ssai. Insumma quanti nni voli? Comu? Parrassi chiù forti… chi ddici? Ah… me li vuole vendere lei a me?