LA PAROLA AI POETI

(Gabriella Maggio)

Propongo ai Lettori Rusidda di Pippo Pappalardo, poeta siciliano, che interpreta con profonda sensibilità il tema del femminicidio e lo esprime  attraverso la fisicità del dialetto.

Rusiḍḍa

Na vistineḍḍa curta,

l’occhi pittati,

li quasetti a-rriti,

amuri senz’amuri,

merci pp’allìnchiri sacchi sfunnati,

lu so munnu è la notti,

ammenzu ê strati.

Ma Rusiḍḍa stanotti nun passìa

nni ḍḍi stratuna ngurdi di furìa;

stanotti Rosa è fridda,

fridda comu la morti,

ne vesti ne quasetti,

l’occhi pistati

e la malasorti

di fìmmina senz’arti ne diritti.

Cu fu l’ùrtima màchina

ca ti purtò ccu diḍḍa?

Cu fu ḍḍu cori tintu

ca ti tagghiò la facci e li vudeḍḍa?

Misteri sciliratu!

smància la dignità,

annègghia la miduḍḍa,

leva la libbirtà.

Lu suli acchiana n celu ogni matina

puru ppi li stratuna di furìa,

puru ppi na mischina

lassata fora di la suciità;

na làcrima,

cuppuru si tardìa,

grapi lu celu

e smovi a la pietà.

Notazioni linguistiche: ngurdu = umido; furìa = periferia.